بەوێنە.. پەیکەرەکەى عەبدولوەهاب ساعدى لە موسڵ دیارنەما

ناس کورد-

پەیکەرەکەى عەبدولوەهاب ساعدى، فەرماندەى پێشووى دژە تیرۆر لە موسڵ دیارنەما، پێش ئەوەى بەفەرمى لە ڕێوڕەسمێکدا پەردەى لەسەر لابدرێت.

.

پەیامنێرى ناس لە موسڵ ڕایگەیاند، پەیکەرەکە شەوى ڕابردوو دیارنەماوە، دواى ئەو خۆپیشاندانە بەرفراوانەى کرا بۆ ناڕەزایی دەربڕین لەسەر گواستنەوەى عەبدولوەهاب ساعدى، لە دەزگاى دژە تیرۆرەوە بۆ وەزارەتى بەرگرى.

.

عەبدولوەهاب ساعدى، یەکێک لە دیارترین فەرماندەکانى دەزگاى دژە تیرۆرى عێراقی بوو، لەچەند ڕۆژى ڕابردوودا بە فەرمانى عادل عەبدولمەهدى دورخرایەوە بۆ وەزارەتى بەرگرى.

.

ساعدى پێش دورخستنەوەى، ماوەیەک جێگرى فەرماندەى دژە تیرۆر بوو، بە زنجیرەیەک شەڕ ناسراوە کە بەفەرماندەیی ئەو هێزە عێراقییەکان بەسەر داعشدا سەرکەوتوون.