fbpx
Shadow Shadow

سیاسه‌تی

بەهۆى کوشتنى قاسم سولەیمانى سکاڵا لەسەر ئەنجێلا مێرکڵ تۆمار کرا

22:19 پێنج شه‌ممه‌ 27 شوبات 2020
article image

ناس کورد-

 

ژمارەیەک پەرلەمانتارى ئەڵمانیا بەهۆى کوشتنى قاسم سولەیمانى فەرماندەى پێشووى فەیلەقى قودسى ئێرانى سکاڵایان لەسەر ئەنجێلا مێڕکڵ ڕاوێژکارى ئەو وڵاتەو ژمارەیەک وەزیر تۆمار کرد.

،

سەرچاوەکانى هەواڵى ئەڵمانیا ئەوەیان بڵاوکردوەتەوە، ئەو پەرلەمانتارانە کە ژمارەیان هەشت پەرلەمانتارە لە دادگاى تاوانەکانى ئەو وڵاتە سکاڵایان لەسەر مێرکڵ و ژمارەیەک وەزیر تۆمار کردوە.

،

رونیشکراوەتەوە، هۆکارى سکاڵاکە ئەوەیە کە مێرکڵ و ئەو وەزیرانەیان تۆمەتبار کردوە بەوەى کە هیچ شتێکیان نەکردوە بۆ ڕێگریکردن لە ئەمریکا و ئەوەش وەک هاریکاریکردنى ئەمریکا سەیر دەکرێت لە کوشتنی قاسم سولەیمانى و ئەبو مەهدى موهەندیس، جێگرى پێشووى دەستەى حەشدى شەعبى لە عێراق

،

بەپێى سەرچاوەکان، ئەوەش دواى ئەوەدێت پێشتر چەند ڕاپۆرتێک بڵاوکرایەوە کە تێیاندا هاتبوو پرۆسەى کوشتنەکە  لەڕێگەى بنکەى ئاسمانى ئەمریکا لە “رامشتاین”ى سەربە ولایەتى “راینلاند – بفالتس”ى ئەڵمانیاوە بەڕێوە براوە، ئەو پەرلەمانتارانە پێیان وایە کە دەبوایە حکومەتى ئەڵمانیا ڕێى لەوە بگرتایە.

،

لاى خۆشیەوە ئەلێکسەندر نوى، پەرلەمانتارى حزبى چەپەکانى ئەڵمانیا لە ڕاگەیەندراوێکدا ئاماژەى بەوەداوە، تەنها لە بنکەى سەربازى رامشتاین لە ئەڵمانیا دەتوانرێت کۆنترۆڵى ئەو فڕۆکە بێفڕۆکەوانە بکرێت کە  قاسم سولەیمانى پێ بۆردومان کرا.

،

سکاڵاکە لەسەر هەریەکە لە ئەنجێلا مێرکڵ، ڕاوێژکارى ئەڵمانیا، هایکۆ ماس، وەزیرى دەرەوە، ئەنگرێت کرامپ، وەزیرى بەرگرى، هۆرست زیهۆفەر، وەزیرى ناوخۆ و چەند بەرپرسێکى ترى حکومەتى ئەڵمانیا تۆمار کراوە، تێیدا ئەو کەسایەتیانە بە تێوەگلان لە کوشتنى سولەیمانى تۆمەتبار کراون.

،

شەوى 2ی کانونی دووەمی 2020، ئەمریکا لە ڕێگەى بۆردومانى فڕۆکەى بێفڕۆکەوانەوە قاسم سولەیمانى و ئەبو مەهدى موهەندیسى لەشارى بەغدا کوشت، هەرچەندە لەسەر ئاستى جیهان ڕەخنەیەکى زۆر ڕوبەڕوى ئەمریکا کرایەوەو بەهۆى ئەوەشى لەسەر خاکى عێراق کردەوەکە ئەنجامدرا پەیوەندیەکانى نێوان عێراق و ئەمریکا تێکچوو، بەڵام ئەو وڵاتە پاساوى ئەوەى هەبوو کە سولەیمانى پلانى هێرشکردنە سەر بەرژەوەندیەکانى ئەمریکاى دانابوو.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل