Shadow Shadow

"ئەو ماڵ و کارگانەی لە نزیک ڕوباری سیروانن مەترسیان لەسەرە"

بەنداوی دەربەندیخان هەشت مەتری ماوە بە تەواوەتی پڕ ببێت

23:28 دوو شه‌ممه‌ 25 ئادار 2019
article image

 

ناس كورد- فوئاد عەبدوڵا

 

بەرێوەبەری بەنداوی دەربەندیخان ئاگاداری ئەو هاوڵاتیانە دەكاتەوە كە دەكەونە سەر ڕوباری سیروان لە نێوان حەمرین و دەربەندیخاندا، کە خۆیان بەدووربگرن لەو شوێنانەی ئاو دەیانگرێتەوە، دەشڵێت بەنداوی دەربەندیخان تەنها هەشت مەتری ماوە بە تەواوی پڕبێت.

 

 

ڕەحمان خانی بەڕێوەبەری بەنداوی دەربەندیخان تایبەت بە ناس كورد-ی ڕاگەیاند: “بە هۆی شەپۆلی باران و ژیانەوەی سەرچاوەكانی ئاو لە كوردستان و ئێران، ئاوی گلدراوەی بەنداوی دەربەندیخان بە ڕێژەیەكی بەرچاو زیادی كردووە، بۆیە ناچارین ڕۆژانە ڕێژەی بەردانەوەی ئاو زیاد بكەین بە پێی زورترین ڕێژەی ئاو كە دێتە بەنداوەكەوە” .

 

لە بارەی بەردانەوەی ئاو و مەترسی لەوسەر ماڵی ئەو هاوڵاتیانەی دەکەونە نزیک ڕوباری سیروانەوە ڕەحمان خانی وتی: “300 مەتر سێجا ئاوی زیادەمان بەرداوەتەوە، وە بەهۆی هەستانی لافاو و زۆری بارانەوە ئەمڕۆ بەردانەوەی ئاوی بەنداوەکەمان بۆ 500 مەتری سێجار لە چركەیەكدا بەرزکردۆتەوە، بۆیە  پێوستە ئەو كەسانەی ماڵیان یاخود کارگەی غەسالەی چەولمیان لە نزیک ڕوباری سیروان هەیە خۆیان لە مەترسی بپارێزن”.

 

بەڕێوبەری بەنداوی دەربەندیخان ئاماژەی بەوەشکرد، بەنداوەكە هەشت مەتری ماوە پڕ ببێت و تا ئاستی چوار مەتری دیکە دەتوانن ئاو گلبدەنەوە.

 

بومەلەرزەکەی ساڵی 2017 زیانی گەیاند بە بەشی سەرەوەی بەنداوی دەربەندیخان، لە بارەی مەترسییەکانی سەر بەنداوەکە، بەڕێوبەری بەنداوی دەربەندیخان وتی، “بەپێی دوا پشكنینەكانمان بۆماندەرکەوتووە، بەنداوەكە كێشەی لەبەشی سەرەوەدا هەیە  و هەوڵ دەدەین ئاوی گلدراوە نەگاتە ئەو شوێنانە”.

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل