fbpx
Shadow Shadow

بەشێکیان خنکاون و بەشێکى دیکەیان چارەنوسیان نادیارە

ناسنامەى ئەو هاوڵاتییانەى هەرێم کە لە بەلەمە ژێرئاوکەوتووەکەی نێوان یۆنان ‌و ئیتاڵیادا بوون

19:23 دوو شه‌ممه‌ 13 كانونی دووه‌م 2020
article image

ناس کورد- هەڤاڵ فەتاح

 

سەرۆكی دەزگای لوتكە بۆكاروباری ئاوارە و پەنابەران ڕایگەیاند، بەلەمە ژێرئاوکەوتووەکەی نێوان یۆنان ‌و ئیتاڵیا زیاتر لە 13 كوردی تێدابووە، بەشێکیان گیانیان لەدەستداوە و بەشێکى دیکەشیان چارەنوسیان نادیارە.

.

بەرەبەیانی رۆژی شەممە 11/1/2020 لە كەناراوەكانی نێوان یۆنان ‌و ئیتاڵیا و  لە نزیک دوورگەی (پاکسوس)ی یۆنان بەلەمێکی كۆچبەران بە زیاتر لە 50 سەرنشینەوە ژێرئاو كەوت و 30 کۆچبەریان گیانیان لەدەستدا.

.

ئاری جەلال، سەرۆكی دەزگای لوتكە كە تایبەتە بە ئاوارە و پەنابەران، ئەمڕۆ دووشەممە 13 کانونى دووەمى 2020 بەناس کوردی ڕاگەیاند “لەئێستادا سەرقاڵی زانینی سۆراغی ئەو بەلەمەین کە لە نێوان یۆنان ‌و ئیتاڵیا ژێرئاوكەوتووە”.

.

وتیشی “بە گوێرەی زانیارییەکانمان بەلەمەکە نزیکەی پەنجا کەسی تێدابووە، 13 کەسیان کوردن، ژمارەیەکیشان تا ئێستا چارەنووسیان نادیارە”.

.

دەزگاى لوتکە ناسنامەى ئەو 13 کەسەى بڵاوکردووەتەوە و ڕایگەیاندووە کە  پرۆسەی ئاشکراکردنی چارەنوسیان تا رۆژی چوارشەممە بەردەوام دەبێت.

ناسنامەى ئەو هاوڵاتییانەى هەرێم کە لە بەلەمە ژێرئاوکەوتووەکەی نێوان یۆنان ‌و ئیتاڵیادا بوون

ئاری جەلال ئەوەشی خستەڕوو، حکومەتی یۆنان زۆر لەمپەڕو ئەستەمی خستووەتە بەردەم گەیشتنی زانیارییەکان، بە هیچ شێوەیەک یارمەتیدەرنەبووە بۆ  دەرخستنی ڕاستى و دروستی لێکۆڵینەوەکان.

.

ئاماژەی بەوەشکرد، بە هۆی ئەوەی ئەمڕۆ، پشوو بووە لە وڵاتی یونان، نەیانتوانیوە وەک پێویست کارەکان ئەنجامبدەن.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل