Shadow Shadow

بەغدا بەشێکی پارەی گەنمی جوتیارانی هەرێمی نارد

14:06 سێ شه‌ممه‌ 09 ته‌موز 2019
article image

ناس کورد- شەهرام عەزیز

 

وەزارەتی باززرگانی هەرێم ڕایگەیاند، بەغدا بەشی یەکەمی پارەی گەنمی جوتیارانی بۆ ساڵی 2019 ناردووە و لە چەند ڕۆژی داهاتوودا دەست بەدابەشکردنی دەکرێت.

.

نەوزاد ئەدهەم، وتەبێژی وەزارەتی بازرگانی و پیشەسازی هەرێم بە ناس کوردی وت، حکومەتی عێراق بڕی بەشی یەکەمی پارەی گەنمی جوتیارانی هەرێمی بۆ ساڵی 2019 ناردووە کە بڕەکەی 15 ملیار دینارە و بۆ هەر پارێزگایەک پێنج ملیۆن دینارە، واتە هەولێر و سلێمانی و دهۆک.

.

وتیشی، لە چەند ڕۆژی داهاتودا جوتیاران ئاگاداردەکەنەوە و دەتوانن بچن پارەکانیان وەربگرن و پارەکە بەپێی کاری ڕادەستکردنی گەنمەکە بە سایلۆکان بە جوتیاران دەدرێت.

.

سەبارەت بە پارەی گەنمی ساڵەکانی 2014 و 2015 و 2016 وتەبێژی وەزارەتی بازرگانی هەرێم ئاماژەی بەوەکرد، تائێستا هیچ شتێک نییە تایبەت بە ناردنی ئەو بڕە پارەیە و لە سەردانەکەیدا بۆ بەغدا نێچیرڤان بارزانی، سەرۆکی هەرێمی کوردستان نوسراوێکی لەوبارەیەوە داوەتە سەرۆک وەزیرانی عێراق و تائێستا وەڵام نەدراوەتەوە.

.

بەوتەی نەوزاد ئەدهەم، ئەمساڵ بڕی 340 تۆن گەنم لە جوتیارانی هەرێم وەرگیراوە و  ناردنی بەشەکانی دیکەی پارەکەش بەردەوام دەبێت و ناوەستێت.

 

.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل