Shadow Shadow

بەشی چوارەم و پێنجەمی درامای گەردەلول بەڕێوەیە

22:18 شه‌ممه‌ 18 ئایار 2019
article image

ناس کورد- شەهرام عەزیز

دەرهێنەری درامای گەردەلول سەرقاڵی نوسینەوەی سیناریۆی بەشی چوارەم و پێنجەمی دراماکەیە و بە وتەی خۆی پلانی بۆ بەشی شەشەمیش داناوە و لە ڕێگەی ناس کوردەوە باس لەو بەشانە دەکات.

جەلیل زەنگەنە، دەرهێنەری درامای گەردەلول بە ناس کوردی ڕاگەیاند، “لە ئێستادا سەرقاڵی نوسینەوەی سیناریۆی بەشی چوارەم و پێنجەمی درامای گەردەلولم، کە بەشی چوارەم لە ساڵی 1984 دەستپێدەکات تا 1987 و سەردەمی ئەنفال، بەشی پێنجەمیش لە ساڵی 1988 دەستپێدەکات تا سەردەمی ڕاپەڕین”.

 

وتیشی، بەدیاریکراوی نازانێت کەی دەست بە کارەکانیان دەکەن بۆ بەرهەمهێنانی درامەکە و کەی دەکەوێت بەرچاوی بینەر، چونکە پێویستی بە هاوکاری داراییە و پێویستە وەزارەتی ڕۆشنبیری و حکومەت بودجەیەکی بۆ تەرخان بکەن.

بەشی چوارەم و پێنجەمی درامای گەردەلول بەڕێوەیە

بە وتەی جەلیل زەنگەنە پلانی بۆ بەشی شەشەمی دراماکەش داناوە، کە دەکەوێتە سەردەمی شەڕی ناوخۆ، بەڵام ئەو ئاماژەی بەوەکرد، هێشتا نازانێت کە باس لەو ڕووداوانە دەکات یاخود نا، چونکە نایەوێت برینی خەڵک بکولێنێتەوە بەو هەڵانەی لە ڕابردوودا کراوە.

 

سەبارەت بە کەسانەی بەشداری دراماکە دەکەن، جەلیل زانگەنە ڕوونیکردەوە، لەگەڵ ئەو کەسانەی لە بەشەکانی ڕابردوودا بەشداریان کردووە خەڵکانی نوێش لە دراماکەدا بەشداری دەکەن.

بەشی چوارەم و پێنجەمی درامای گەردەلول بەڕێوەیە

لەبارەی ئەوەشی کە هونەرمەندی دیاری کورد “ماهیر حەسەن” کە لە بەشی یەکەم و دووەمی دراماکەدا بەشداری کرد و لە بەشی دووەمدا ئەو کارەکتەرەی ماهیر حەسەن ڕۆڵی دەگێڕا، کوژرا، بۆیە لە بەشی سێیەمدا بەشداری نەکرد، لە بەشی چوارەمدا دەگەڕێتەوە نێو دراماکە یاخود نا، جەلیل زەنگەنە ئاماژەی بەوەکرد: ” تا ئێستا نازانم ماهیر حەسەن دەگەڕێتەوە ناو دراماکە یاخود نا، سیناریۆکە دەزانێت کە دەکرێت ماهیر حەسەن بهێنمەوە یان ناکرێت، بۆیە هێشتا بڕیارەم نەداوە”.

 

درامای گەردەلول کە لە سیناریۆ و دەرهێنانی جەلیل زەنگەنەیە، تا ئێستا سێ بەشی لێ بەرهەمهێندراوە و باس لە ڕووداوەکانی مێژووی کورد دەکات لەسەردەمی ڕژێمی بەعسدا و بە وتەی دەرهێنەری گەردەلول، تا ئەو بمێنێت، گەردەولولیش بەردەوام دەبێت.

بەشی چوارەم و پێنجەمی درامای گەردەلول بەڕێوەیە

بەشی چوارەم و پێنجەمی درامای گەردەلول بەڕێوەیە

 

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل