fbpx
Shadow Shadow

دیداری ڕافیدەین بۆ ئاسایش و ئابوری لە بەغدا

بەرپرسێکى حکومەتى هەرێم: چارەسەری دۆخى ناوچە جێناکۆکەکان لە ڕێگەى دانوستانەوە دەبێت نەک سەربازیی

15:59 هه‌ینی 27 ئه‌یلول 2019
article image

ناس کورد- هەڤاڵ فەتاح

 

بەرپرسێکى حکومەتى هەرێم ڕایگەیاند، چارەسەری دۆخى ناوچە جێناکۆکەکان لە ڕێگەى دانوستانەوە دەبێت نەک سەربازیی، پەرلەمانتارێکیش داوادەکات دۆسیەی ئەمنی کەرکوک و ناوچە جێناکۆکەکان ڕادەستی پۆلیس بکرێت.

.

پاراستنی ئاسایشی عێراق بە گشتی و ناوچە جێناکۆکەکان، دەربازبوونی عێراق لە سیاسیەتی لاسەنگی ناوچەکەوە، بوونیادنانەوەی ئابوورییەکی بەهێز، گرنگترین پرسەکانى دیداری ڕافیدەینە بۆ ئاسایش و ئابووری کە بە سپۆنسەری دەزگای میدیایی ناس لە شاری بەغدا بەڕێوە دەچێت.

.

عەبدولحەکیم، خەسرۆ، سەرۆکی دەزگای هەماهەنگی و بەدوادچوون لە حکومەتی هەرێمی کوردستان بەناس کوردی وت “بڕیاری نیشتیمانی عێراقی دەرباری ئاسیش زۆر قورسە، چونکە لە ئێستادا عێراق کاریگەری سیاسەتی لاسەنگی وڵاتانی ناوچەکە و ئەو وڵاتانەی لەسەرە کە پاڵپشتی عێراق دەکەن”.

.

جەختیشیکردەوە، لەئێستادا ئەمریکا بە هەموو شێوەیەک داکۆکی لە هێزەکانی عێراق دەکات بۆ بەرقەراکردنی ئاسایش، بەڵام لە هەمانکاتیشدا شێوازی پەیوندی لە نێوان ئەو هێزانە و ئەمریکادا جیاوازە.

.

عەبدولحەکیم خەسرۆ، جەختی لەوەشکردەوە دەبێت پڕۆگرامی حکومەتی عێراق لە بواری ئاسایشدا قەتیس نەکرێت تەنها بۆ دابینکردنی چەک بۆ هێزەکانی بەڵکو دەبێت خشتەیەکی داڕیژراوی هەبێت کاتی کۆتاییهێنان بە پرسی ئەمنی لە عێراق دیاریبکات بۆ ئەوەى عێراق خۆی بگوێزێتەوە بۆ قۆناغی دووەم ئەوەش قۆناغی گەشەسەندنی ئابووری و کۆمەڵایەتییە.

 

سەبارەت بە مانەوەی هێزی هاوپەیمانی نێو دەوڵەتی لە عێراقدا، خەسرۆ وتی “ئەوە پەیوەندی بە دۆخی ئەمنی عێراقەو هەیە و پەیوەندی بە بوونی ڕێکخراوە تیروستییەکانەوە هەیە”.

.

دەرباری کێشەی ناوچە جێناکۆکەکان لە نێوان حکومەتی هەرێمی کوردستان و حکومەتی فیدراڵی وتی “چارەسەری پرسی ئەو ناوچانە تەنها لە ڕێگەی دەستور و دانوستانەوە دەبێت، نەک لەڕێگەی چارەسەری سەربازییەوە، ئەوەشی ڕویدا لە16 ئۆکتۆبەری 2017 شتێکی نامۆ بوو لە دوای پرۆسەی سیاسی لە ساڵی 2003”.

.

لەدواى رووداوەکانى 16ى ئۆکتۆبەرەوە، هەردوو حکومەتى هەرێم و بەغدا لەسەر دۆسیەى ئەمنى لەناوچە جێناکۆکەکان ناکۆکن، بەشێک لە دانوستانەکانى ئێستاشیان بۆ گەیشتن بە چارەسەرە لەسەر ئەو پرسە، بەڵام هێشتا لەو بارەیەوە نەگەیشتوون بە ئەنجام.

.

سەرکەوت شەمسەدین، ئەندامى پەرلەمانی عێراق، لەپەراوێزی بەشداریکردنی لە دیدارەكەدا بە ناس کوردی ڕاگەیاند “پرسی ناوچە جێناکۆکەکان بۆ عێراق زۆرهەستیارە لەڕووی سیاسی و ئابووری و کۆمەڵایەتییەوە، دەبێت ئەو پرسە بە دانایی و ژیری مامەڵەی لەگەڵدا بکرێت لەلایەن دەسەڵاتدارانی عێراق و هەرێمی کوردستانەوە”.

.

وتیشى “ئەگەر بەو شێوەیە چارەسەرنەکرێت، دەرفەتێک دەڕەخسێنێت بۆ گروپە تیرۆریستەکان بۆ ئەنجامدانی پشێویی و کاری تیرۆریستی لەو ناوچانە”.

.

سەرکەوت شەمسەدین باسى لەوەشکرد، زاراوەی “داگیرکردن و داگیرکار” دەبێت نەمێنێت لە نێوان هێزە عێراقییەکان بەکورد و بە عەرەبەوە، چونکە هەر هێزیکی عێراقی لە هەر ناوچەیەکی عێراق داگیرکەر نییە، بوونی هێزی پێشمەرگەش لە ناوچەکانی دەشتی نەینەوا نابێت بە “داگیرکەر” وەسف بکرێت، لە هەمانکاتیشدا نابێت ئەو هێزە عێراقییانەی کە ئێستا لە شاری کەرکوکن بە “داگیرکەر” وەسف بکرین لەلایەن هەندێک لایەنەوە وەک پارتی دیموکراتی کوردستان.

.

ئەو پەرلەمانتارە، بەگرنگی زانی بە زووترین کات دۆسیەی ئەمنی شاری کەرکوک و ناوچە جێناکۆکەکانی دیکە ڕادەستی پۆلیس بکرێت و هێزە سەربازییەکانی دیکەش بەپێشمەرگەوە سنوری ناوچەکان بپارێزن.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل