Shadow Shadow

بەرپرسانی ڕۆژئاوا دەستیانكرد بە تۆماركردنی ناوی ئاوارەكان

17:31 یه‌ك شه‌ممه‌ 26 ئایار 2019
article image

ناس كورد –

بەڕێوەبەرایەتی خۆسەری ناوچەكانی باكوور و ڕۆژهەڵاتی سوریا لەپاش كۆبونەوەی ئەنجومەنەكەی بڕیاریدا بە تۆماركردنی ناوی سەرجەم ئاوارەكان جگە لە چەكدارانی ڕێكخراوی داعش و خێزانەكانیان.

.

بەپێی هەواڵێكی ئاژانسی هاوار نیوز، بێریڤان خالید، هاوسەرۆكی ئەنجومەنی خۆسەری ناوچەكانی باكوور و ڕۆژهەڵاتی سوریا ڕایگەیاندووە، لە ئەمڕۆوە یەكشەممە 26/5/2019 دەستیانكردووە بە تۆماركردنی ناو ئەو ئاوارانەی دەیانەوێت بگەڕێنەوە بۆ ئەو ناوچانەی كە ئێستا ئازادكراون یان لەلایەن چەكدارانی داعشەوە بە مەبەستی بازرگانی ڕاگوێزراون لە ناوچەكانیان، كە زۆرینەیان ژن و منداڵن.

.

وتیشی، بەڕێوەبەرایەتی خۆسەر لیژنەیەكی بۆ تۆماركردنی ناوەكان لەنێو كامپەكەدا پێكهێناوە و داواشمان لەو خێزانانەی كە خەڵكی ناوچەكانی ڕەققە و تەبقەن كردووە، ناوەكانیان تۆماربكەن تا بگەڕێنەوە سەر ماڵ و ژیانی ئاسایی خۆیان، پاشتر دەست بە گەڕاندنەوەی ئاوارەی ناوچەكانی دیكەش دەكرێت.

.

” ئەمڕۆ دەست بەتۆماركردنی ناوەكان كراوە خەڵكانێكی زۆر ناویان تۆماركردووە، كە پێشبینی دەكەین پاش تۆماركردنی ناوی هەزار كەس دەست بە گەڕاندنەوەیان بكەین، ئەو گەڕاندنەوە چەكدارانی داعش و خێزانەكانیان ناگرێتەوە” بێریڤان خالید وای وت.

.

پێشتر بەڕێوەبەرایەتی كامپی هۆڵ و ئەنجومەنی خۆسەری ناوچەكانی باكوور و ڕۆژهەڵاتی سوریا، لە دوو بەیاننامەدا داوایان لە وڵاتانی ئەوروپا و ڕۆژئاوا و وڵاتە عەرەبیییەكان كرد چەكدارانی داعش وەربگرنەوە، بەڵام لە ئامادەنەبوونی ئەو وڵاتانە، بەرپرسانی ئەنجومەنی خۆسەر داوای دامەزراندنی دادگایەكی نێودەوڵەتیان كرد بۆ یەكلایكردنەوەی چارەنووسی چەكدارەكان.

.

كامپی هۆڵ، كە دەكەوێتە ڕۆژهەڵاتی كانتۆنی حەسەكە بەپێی ئامارەكانی كامپەكە، نزیكەی 31 هەزار 436 كۆچبەری ناوچەكانی سوریا و خێزانی چەكدارانی داعشی تێدا نیشتەجێكراون، كە 9هەزار و 220 یان خێزانن.

.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل