fbpx
Shadow Shadow

بەرهەم ساڵح: هەر هێرشێک بۆ سەر سوپای ئەمریکا لە عێراق، وەک هێرش بۆ سەر دەوڵەت وایە

21:14 چوار شه‌ممه‌ 26 حوزه‌یران 2019
article image

ناس کورد

سەرۆک کۆماری عێراق ڕایگەیاند هەر هێرشێک بکرێتەسەر سوپای ئەمریکا لە سەر خاکی عێراق، کارێکە دژ بە دەوڵەت و جەخت لەوەدەکاتەوە، ئارامی عێراق، ئارامییە بۆ تەواوی وڵاتانی ناوچەکە.

.

دکتۆر بەرهەم ساڵح سەرۆک کۆماری عێراق، لە چاوپێکەوتنێکدا لەگەڵ کەناڵی سی ئێن ئێنی ئەمریکی ڕایگەیاند: کاری لەپێشینەیان، دووبارە بونیاتنانەوە و سەقامگیریی و بەرژەوەندییەکانە، داواش لە هەموو پێکهاتەکان دەکات، هەنگاو بەرەو دواوە نەنێن.

.

بەرهەم ساڵح، نیگەرانی خۆی لە گرژیی و ئاڵۆزییەکانی نێوان ئەمریکا و ئێران نیشانداوە و باسی لەوە کردووە، عێراق لە ماوەی چوار دەیەی ڕابردودا بە دۆزەخدا تێپەڕیوەو كۆتا ململانێی لەگەڵ داعشدا كردووە و دەڵێت: نابێت هەوڵەكانی ئێستای عێراق بۆ سەقامگیری بە كەم سەیر بکرێن.

.

لەبارەی پاشگەزبوونەوەی بڕیارەکەی دۆناڵد تڕەمپ سەرۆکی ئەمریکا بۆ هێرشکردنەسەر ئێران، سەرۆک کۆمار وتویەتی: “دڵخۆشین بەوەی جەنگ لە ناوچەكە دوورخراوەتەوە، عێراق جەنگێكی دیكەی ناوێت، ئەو كێشەیەش بەڕێگەی سەربازی چارەسەر ناكرێت.”

.

سەرۆک کۆمار نیگەرانی خۆشی بۆ گەلی ئێران دەربڕیوە و باسی لەوە کردووە، ئێران لەژێر فشارو ئازاردایە، ئەو گرژیی و ئاڵۆزیانەش ئازاری تەواوی ناوچەكە دەدات نەك بە تەنها ئێران.

.

بەرهەم ساڵح ئاماژەی بەوەشکردووە، ئێران و عێراق دراوسێی یەكترن و هەزارو 400 كیلۆمەتر سنور لەنێوانیاندا هەیە و پەیوەندی ئابوریش هەردوو وڵات پێكەوە دەبەستێتەوە.

.

بەرهەم ساڵح باسی لەوەشکردووە، هەر هێرشێك بۆسەر هێزەکانی ئەمریکا لە سەر خاکی عێراق، هاوتایە بە هێرشكردنە سەر سەروەری عێراق و حكومەتەكەی.

.

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل