fbpx
Shadow Shadow

بۆ دروستکردنەوەی کڵێساکەی فەڕەنسا بەڵێنی بەخشینی 450 ملیۆن دۆلار دراوە

18:17 سێ شه‌ممه‌ 16 نیسان 2019
article image

 

ناس کورد-

.

چەندین ملیاردێر، کە خاوەنی گەورە کۆمپانیاکانی بازرگانین لە فەرەنسا، بەڵێنی بەخشینی 450 ملیۆن دۆلاریان داوە بۆ دووبارە دروستکردنەوەی كڵێسای مێژوویی نۆتردام لەشاری پاریس، پاش ئەوەی ئاگری گرت.

.

خاوەنی هێما بازرگانییەکانی (L.V.M.H)، ڕایگەیاند، بڕی 226 ملیۆن دۆلار دەبەخشن بۆ هاوکاریکردن لە بونیادنانەوە و دروستکردنەوەی کڵێسا سوتاوەکەی فەڕەنسا، ئەوەش پاش ئەوە دێت کە، خانەوادەی فرانسۆ بینۆلیت خاوەنی کۆمپانیاکانی گووتچی و ئێف سان، ڕایگەیاند، بڕی 113 ملیۆن دۆلار دەبەخشن بۆ دروستکردنەوەی ئەو کڵێسایە.

.

گەورە کۆمپانیای بواری نەوت و گاز، تۆتاڵی فەڕەنسی، لە بەیاننامەیەکدا ڕایگەیاند، 100 ملیۆن یۆرۆ کە بەرامبەرە بە 113 ملیۆن دۆلار، دەبەخشن لە پێناو دروستکردنەوەی كڵێسای مێژوویی نۆتردام، هەروەها کۆمپانیای کابجمینی بۆ تەکنەلۆجیا بەڵێنی بەخشینی ملیۆنێک و 100 هەزار دۆلاری داوە بۆ هەمان مەبەست.

.

دوێنی دووشەممە، ئاگر لە كڵێسای مێژوویی نۆتردام لە فەڕەنسا بەربوو، پاش نۆ کاتژمێر ئاگرەکە دامرکایەوە، کڵێساکە بە تەواوی وێرانبوو، مێژووی ئەو کڵێسایە بۆ 850 ساڵی ڕابردوو دەگەڕێتەوە.

.

سەرۆکی فەڕەنساش پاش ئەو ڕوداوە ڕایگەیاند، کڵێساکە دروستدەکەنەوە و بۆ ئەو مەبەستەش هەڵمەتێکی جیهانی بۆ کۆمەک ڕادەگەیەنن.

.

.

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل