Shadow Shadow

"تۆڕى گواستنەوەى ئاوى خواردنەوەى ناوچەکەى تێکداوە"

بۆردومانه‌كه‌ى توركیا زیانى 17 ملیۆن دینارى به‌ فه‌رمانگه‌كانى ئامێدى گه‌یاندووه‌

14:44 پێنج شه‌ممه‌ 13 حوزه‌یران 2019
article image

ناس کورد- عه‌مار میرداڤى

ئێوارەی رۆژی چوارشەممە 12ی حوزەیرانی 2019، فڕۆکە جەنگییەکانی تورکیا بۆردومانی قەزای ئامێدی و گوندی سەرگەلییان کرد، به‌رێوه‌به‌ری شاره‌وانی ئامێدیش ده‌ڵێت، ته‌نها ئه‌و زیانه‌ى به‌ فه‌رمانگه‌ حكومییه‌كان كه‌وتووه‌ 17 ملیۆن دیناره‌.

.

لەبارەى زیانەکانى ناوچەکە ئه‌ڤراز حه‌سه‌ن، سه‌رۆكی شاره‌وانی ئامێدی به‌ ناس كوردی ڕاگەیاند: “بۆردومانه‌كه‌ی دوێنێ چوارشه‌ممه‌ بۆ سه‌ر سنوری قه‌زای ئامێدی زیانی زۆر بەدواداهاتووە، زیانه‌كانیش به‌ر كه‌رتی حكومی و تایبه‌ت  كه‌وتون‌، كه‌ هه‌ریه‌ك له‌ موڵكیه‌تى شاره‌وانى به‌بڕى حەوت ملیۆن و 500 هه‌زار دینار، فه‌رمانگه‌ی ئاو به‌بڕى حەوت ملیۆن دینار، فه‌رمانگه‌ی كاره‌با به‌بڕى دوو ملیۆن و 500 هه‌زار دینار زیانیان به‌ركه‌وتوه‌، كه‌ كۆى گشتى زیانه‌كان گه‌یشتۆته‌ 17 ملیۆن دینار”.

.

سەرۆکى شارەوانى ئامێدى ئەوەشى ئاشکراکرد، بۆری سه‌ره‌كی گواستنه‌وه‌ی ئاوی ماڵانى چه‌ند گوندێك شكاوه‌ و تۆڕی دابه‌شكردنی ئاو تێكچووه‌، له‌ ئێستاشدا چه‌ند گه‌ڕه‌كێكی ئامێدی و سه‌رسه‌نگ و قه‌دش بێ ئاون، تیمه‌كانیان سه‌رقاڵی چاككردنه‌وه‌ى تۆڕى ئاوه‌كه‌ن.

.

“جگه‌ له‌وه‌ش بۆردومانه‌كان‌ زیانى به‌ ڕێگای نێوان ئامێدی و دهۆك گه‌یاندووه،‌ کە پانتایی 250 مه‌تر چوارگۆشه‌ی وێران کردووە”، ئه‌ڤراز حه‌سه‌ن واى وت.

.

بەپێی ئەو زانیارییانەى کە ناس کورد لە چەند سەرچاوەیەکەوە دەستیکەوتووە، زیانه‌كانی كه‌ به‌ر كه‌رتی تایبه‌ت كه‌وتوون‌ له‌ناوچه‌كه‌، به‌نزینخانه‌یه‌ك به‌ته‌واوی ڕووخاوه‌ و ماڵى هاوڵاتییە‌ك داڕوخاوه‌، هاوكات چوار ئۆتۆمبێلی هاوڵاتیان زیانیان بەرکەوتووە.

.

هه‌روه‌ها به‌هۆى زۆرى ژماره‌ى بۆردومانه‌كانى دوێنێى فڕۆكه‌ جه‌نگییه‌كانى توركیاوە لە سنورى گوندی سەرگەلی، بەشێکى زۆر لە دارستان ناوچه‌كه‌ و پوش و پاوانی سنورەکە سوتاون.

.

وێنەى بەشێک لە زیانەکان:

بۆردومانه‌كه‌ى توركیا زیانى 17 ملیۆن دینارى به‌ فه‌رمانگه‌كانى ئامێدى گه‌یاندووه‌ بۆردومانه‌كه‌ى توركیا زیانى 17 ملیۆن دینارى به‌ فه‌رمانگه‌كانى ئامێدى گه‌یاندووه‌

.

.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل