Shadow Shadow

بڕیاری خەرجكردنی مووچەی چوار مانگی پێشمەرگە درا

15:16 چوار شه‌ممه‌ 10 نیسان 2019
article image

ناس كورد- ئەحمەد مستەفا
سەرۆكوەزیرانی عێراق بڕیاری خەرجكردنی پشكی پێشمەرگەی لە وەزارەتی بەرگری عێراق واژوو كرد و لەسەرەتادا مووچەی چوار مانگی پێشمەرگە دەنێردرێت.

جەبار یاوەر، ئەمینداری گشتی وەزارەتی پێشمەرگە تایبەت بە ناس كورد-ی ڕاگەیاند “ئەمڕۆ (چوارشەممە) لەلایەن وەزارەتی دارایی عێراق ئاگاداركراین، سەرۆك وەزیرانی عێراق بڕیاریداوە بە خەرجكردنی مووچەی مانگەكانی كانوونی دووەم، شویات، ئادار و نیسان، لە وەزارەتی بەرگری عێراق وەك پشكی پێشمەرگە لە بودجەی 2019 ی عێراق”.

ئاماژەی بەوەش كرد، ئەو بڕەی لەسەرەتادا دەنێردرێت بڕی 272 ملیار دینار دەبێت، و بڕیاریشە مانگانە بەغدا بڕی 68 ملیۆن دینار وەك مووچە و پشكی پێشمەرگە ڕادەستی وەزارەتی دارایی هەرێم بكات.

یاوەر جەختی لەسەر ئەوە كردەوە سبەینێ وەزارەتی پێشمەرگە نووسراوێك ئاڕاستەی وەزارەتی دارایی عێراق دەكات، بۆ میكانیزمی چۆنیەتی وەرگرتنی بڕە پارەكە و لیژنەیەكیش بۆ هەماهەنگی نێوان وەزارەتی پێشمەرگە و وەزارەتی بەرگری عێراق پێكدەهێنرێت.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل