fbpx
Shadow Shadow

هەواڵی ڕاستەوخۆ

به‌هۆی كۆرۆناوه‌ عێراق دوو دەروازەی سنوری لەگەڵ ئێران داخست

18:43 چوار شه‌ممه‌ 04 ئادار 2020
article image

ناس كورد-

حکومەتی عێراق بۆ بەرگرتن لە نەخۆشی کۆرۆنا و بەهۆی تەشەنەسەندنی  ڤایرۆسەکە لە ئێران، دوو دەروازەی سنوری سەر بە پارێزگای دیالەی بەڕووی ئەو وڵاتەدا بە تەواوی داخست.

 .

ئەمڕۆ (چوارشەممە، 4 ی شوباتی2020)، لیوا ڕوکن حامد شەمەری، فەرماندەی پۆلیسی دیالە لە کۆنگرەیەکی ڕۆژنامەوانیدا ڕایگەیاند، هەردوو دەروازەی سنوری مونزەریە لە خانەقین و دەروازەی مەندەلی لە نزیک ناحیەی مەندەلی، بە تەواوی داخران.

 .

لیوا ڕوکن حامد شەمەری ئاماژەی بەوەکرد، لەسەر داوای فەرمانگەی تەندروستی دیالە و بەهۆی بڵاوبوونەوەی ڤایرۆسی کۆرنا لە ئێران وەک ڕێکارێکیش بۆ بەرگرتن لەو نەخۆشییە ئەو دوو دەروازەیە بەڕووی ئێران داخران.

 .

ژمارەی توشبوان بە ڤایرۆسی کۆرۆنا لەعێراق لە ئێستادا گەیشتووەتە 30 کەس و پێنج لە توشبوانی ڤایرۆسەکەش لە پارێزگای سلێمانی تۆمارکراون.

 .

به‌گوێره‌ی دوایین ئاماریش، تا ئێستا لە ئێران دوو هەزار و 922 کەس تووشی ڤایرۆسی کۆرۆنا بوون و لەو ژمارەیەش، 92 کەسیان گیانیان لەدەستداوە.

 .

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل