fbpx
Shadow Shadow

بزانە کەشوهەوای ڕۆژانی سەری ساڵ لە عێراق و هەرێم چۆن دەبێت

20:54 دوو شه‌ممه‌ 30 کانونی یەکەم 2019
article image

ناس كورد-

دەستەی کەشناسی و بومەلەرزەزانی عێراق پێشبینی دەکات یەکەم ڕۆژى ساڵى نوێ پلەکانى گەرما ڕوو لە دابەزین بکەن و باران ببارێت.

.

ئەمڕۆ دووشەممە، 30ى کانونی یەکەمی 2019، دەستەی  کەشناسی و بومەلەرزەزانی عێراق لە ڕاگەیاندراوێکدا ڕایگەیاند، پێشبینی دەکرێت ئەمشەو لە هەندێ شوێن باران ببارێت و پلەکانی گەرماش دابەزین بە خۆیانەوە ببینن.

.

هەر بەپێی پێشبینییەکانى کەشناسی، سبەینێ سێشەممە، 31ى کانونی یەکەمی 2019، پلەکانی گەرما لە شارەکانی هەرێمی کوردستان و ناوەڕاست و باشوری عێراق بە شێوەیەکی بەرچاو دادەبەزن، ئاسمانیش نیمچە هەور دەبێت.

.

ڕاگەیەنراوەکەى دەستەی کەشناسی عێراق پێشبینی کەشوهەوای یەکەم ڕۆژی سەری ساڵی 2020یش دەکات کە ڕۆژی چوارشەممەیە و دەڵێت، پلەکانی گەرما لە هەرێمی کوردستان و ناوچەکانی باشوری عێراق زیاتر دادەبەزێت و پێشبینیش دەکرێت باران بەشێوەى نم نم بە تایبەتی لە ناوچەکانی هەرێمی کوردستان ببارێت، پلەکانی گەرماش لە ناوچەکانی ناوەڕاستی عێراق وەک خۆیان دەمێننەوە و ئاسمانیش ساماڵ دەبێت.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل