fbpx
Shadow Shadow

برێت مەکگۆرک: ئەگەر هاوکاری کوردانی سوریا نەبوایە ئەبوبەکر بەغدادی نەدەکوژرا

17:04 دوو شه‌ممه‌ 28 تشرینی یه‌كه‌م 2019
article image

ناس کورد-

برێت مەکگۆرک ئاشکرایکرد، هاوکاری کوردانی سوریا نەبوایە ئۆپراسیۆنی کوژرانی بەغدادی “هەرگیز” سەرکەوتو نەدەبو.

,

ئەمڕۆ دووشەممە 28ی تشرینی یەکەمی 2019، برێت مەکگۆرک، نوێنەری پێشوی سەرۆکی ئەمریکا بۆ شەڕی دژی داعش لە تویتێکدا کە لەبارەى کوژرانی ئەبوبەکر بەغدادى بڵاویکردووەتەوە و ڕایگەیاندووە: “پڕۆسەی لەناوبردنی ئەبوبەکر بەغدادی، ‘ئەمیری داعش’ سەرکەوتنێکی گەورەیە بۆ ئەمریکا و جیهان، پیرۆزبایی لە یەکەی هێزە تایبەتەکان و دەزگای هەواڵگری دەکەم بۆ بەسەرکەوتوی ئەنجامدانی ئەو کارە گرنگ و مەترسیدارە”.

,

مەکگۆرک ئاماژەی بەوەشکردووە: “بە ڕای من کوژرانی بەغدادی بۆ ئەمریکا و جیهانیش سەرکەوتو نەدەبو ئەگەر هاوکاری هاوپەیمانە کوردەکانمان لە سوریا نەبوایە”.

,

ئەوەش دوای ئەوە دێت، ئەبوبەکر بەغدادی بەرەبەیانی دوێنێ یەکشەممە لە ئۆپراسیۆنێکی هاوبەشی هێزەکانی ئەمریکا و شەڕڤانانی هێزەکانی سوریای دیموکرات (هەسەدە)دا لە سوریا کوژرا، دواتریش هەریەکە لە دۆناڵد ترەمپ، سەرۆکی ئەمریکا و مەزڵوم کۆبانێ، فەرماندەی گشتی هەسەدە کوشتنی خەلیفەکەی داعشیان پشتڕاستکردەوە.

,

شەوى ڕابردوو، لە ڕاپۆرتێکیدا ماڵپەڕى فۆرن پۆلسیى ئەمریکى کە لەبارەى ئۆپراسیۆنى کوشتنى ئەبوبەکر بەغدادى سەرکردەى ڕێکخراوى تیرۆریستى داعش بڵاویکردووەتەوە، لەزارى سەرکردەیەکى باڵاى ئەمریکى کە بەرپرسیارییەتى لە وەزارەتى دەرەوەى ئەو وڵاتە هەیە، ئاشکرایکردووە: “ئەو فڕۆکەى جۆرى هێلیکۆپتەر و هێزە تایبەتەکەى ئەمریکا کە ئۆپراسیۆنى کوشتنى ئەبوبەکر بەغدادییان ئەنجامداوە، لە هەولێرەوە ڕۆشتون و لەناوخاکى سوریاشەوە”.

,

ماڵپەرە ئەمریکییەکە ئەوەشى خستوەتەڕو: “هێزە کوردییەکانى سوریا ماوەى پێنج مانگ لەگەڵ ئەمریکادا کاریان کردووە بۆ ئەو ئۆپراسیۆنە، هەروەها ژەنەڕاڵ مەزڵوم کۆبانى فەرماندەى گشتیی هەسەدە، تاکە کەسێکى بیانى بوە، بە ئامانجکردنى بەغدادى زانیوە”.

,

مەزڵوم کۆبانى بە فۆرن پۆلسیی ڕاگەیاندووە: “ئۆپراسیۆنى لەناوبردنى بەغدادى بۆ ماوەى یەک مانگ دواکەوتوە، بەهۆى ئەو لەشکرکێشییەى تورکیا بۆسەر باکورى سوریا”.

,

,

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل