fbpx
Shadow Shadow

باڵیۆزى پێشووى عێراق لە ئەمریکا: چوار سزای کارەساتبار چاوەڕوانى بەغدا دەکەن و کورد خۆى دەپارێزێت

10:17 شه‌ممه‌ 18 كانونی دووه‌م 2020
article image

ناس کورد-

 

باڵیۆزى پێشووی عێراق لە ئەمریکا ڕایگەیاند، عێراق توشى چوار سزای کارەساتبار دەبێتەوە،  لەئەگەری دەرکردنى هێزەکانى ئەمریکا لە وڵاتەکە و دەشڵیت کورد خۆى لە بڕیارەکە دەپارێزێت.

.

ڕەند ڕەحیم باڵیۆزى پێشووی عێراق لە ئەمریکا لە وتارێکدا لە سەنتەرى “ئەتلانتیک کاونیل” بۆ لێکۆڵینەوەى ستراتیژى لە واشنتن لەبارەى کاریگەرییە ئەمنییەکانەوە ڕایگەیاندووە “بڕیارەکەى پەرلەمانى عێراق دەبێتە هۆى لەدەستدانى تواناى ڕاهێنان و یارمەتى لۆجیستی و تەکنیکی و بەشداریی زانیاریی هەواڵگریی کە هاوپەیمانى نێودەوڵەتى پێشکەشی هێزە عێراقییەکانى دەکات”.

.

ناوبراو ئاماژە بەوەشدەکات “ئەمە دەبێتە هۆى ئەوەى ڕێکخراوی داعش ڕیزەکانى خۆى ڕێکبخاتەوە،  بە تایبەت کە لە ئێستادا هێزەکانى عێراق ناتوانن بە تەنیا ڕووبەڕوویان ببنەوە”.

.

لەبارەى زیانە ئابورییەکانیشەوە، ڕەند ڕەحیم دەڵێت” سزاکان ترسناک دەبن بە تایبەت دواى هەڕەشەکانى دۆناڵد ترەمپ سەرۆکى ئەمریکا بە سەپاندنى سزای ئابووی قورس و تێکشاندنى دارایی عێراق لە دەرەوەى وڵات”.

.

باڵیۆزى پێشووى عێراق لە ئەمریکا باس لەوەشدەکات “پەیوەندییەکانى دەرەوەى عێراق لەگەڵ ڕۆژئاوا، نەک تەنیا لەگەڵ ویلایەتە یەکگرتووەکانى ئەمریکا، بەڵکو لەگەڵ وڵاتانى ئەوروپاش بە خراپی تێکدەچن، کە عێراق ناچار دەکات ڕووبکاتە هەریەکە لە وڵاتانى ڕوسیا و چین، ئەمەش هەژموونى ئێران زیاتر دەکات بەسەر دۆخی سیاسی و ئابوری عێراقدا”.

.

لەبارەى کاریگەرییە ناوخۆییەکانیشەوە،  ناوبراو جەختدەکاتەوە لەسەر ئەوەى کە “بڕیارەکەى پەرلەمان کاریگەریی دەبێت لەسەر پەیوەندی نێوان پێکهاتە سەرەکییەکانى عێراق بە تایبەت کە بڕیارەکەى پەرلەمان تەنیا بە ئامادەبوونى لایەنى شیعی دراوە”.

.

ڕەند ڕەحیم دەشڵێت “کورد خۆیان دەپارێزن لە بڕیاری دەرکردنى هێزەکانى ئەمریکا لە عێراق، لایەنى سوننەش ترسیان پێوە دیارە و چاویان لە هێزەکانى هاوپەیمانانە بۆ کەمکردنەوەى هەژموونى ئێران”.

.

جەختدەکاتەوە لەسەر ئەوەى “ئەو بڕیارەى پەرلەمان متمانەى نێوان پێکهاتەکان و هێزەکانى عێراق ناهێڵێت”.

.

رۆژى هەشتى ئەم مانگە پەرلەمانى عێراق بە بڕیارێک داواى لە حکومەتى عێراق کرد هێزە بیانییەکان لە عێراق دەربکات، کە لە ئێستادا ژمارەى هێزە ئەمرکییەکان 5200 سەربازن کە لە ناوچە جیاوازەکانى عێراق جێگیربوون.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل