Shadow Shadow

مەحمود سەنگاوی: بارزانی پیاوێکی بچوکە

بارەگای بارزانی وەڵامی مەحموود سەنگاوی دایەوە

21:39 سێ شه‌ممه‌ 18 حوزه‌یران 2019
article image

ناس کورد

نوسینگەی ڕاگەیاندنی بارەگای بارزانی لە پەیامێکدا وەڵامی وتەکانی مەحموود سەنگاوی، ئەندامی مەکتەبی سیاسی یەکێتی دایەوە و ڕایگەیاند: ” ئەوە ناهێنێ وەڵام بدرێتەوە.”

نوسینگەی ڕاگەیاندنی بارەگای بارزانی، ئەمشەو 18ی حوزەیران لە پەیامەکەیدا بڵاویکردەوە، ” وتەكانی مەحموود سەنگاوی كە لە ئەو پەڕی نزمی و بێ ئاستیدا بوون.”

ڕاگەیاندنی بارەگای بارزانی مەحمود سەنگاوی بە “مافیا و تاڵانچی و بكوژ” وەسفکردووە و ڕەخنەی لە مەکتەبی سیاسی یەکێتی و وتەبێژی ئەو حزبە گرتووە ڕایگەیاندووە، “بۆ مەكتەبی سیاسیی یەكێتی و گوتەبێژەكەی زۆر جوانتر بوو بێ دەنگ بانە نەك ئەوەی بەیاننامەیەكی شەرمنانە و بێ ناوەڕۆك لە بەرانبەر وتەكانی تاڵانچییەك بڵاو بكەنەوە.”

بارەگای بارزانی ئاماژەی بەوەداوە مەحموود سەنگاوی ” بە نەفەسی تێكدانی ڕەوشی كوردستان و شێواندنی ئاسوودەیی كۆمەڵایەتیی خەڵك قسەی كردووە.”

مەحمود سەنگاوی ئەندامی مەکتەبی سیاسی یەکێتی، لە وتارێکدا مەسعود بارزانی پیاوێکی “بچوک” وەسف کردوو ڕەخنەی توندی لە نێچیرڤان بارزانی گرت کە لە مەراسیمی سوێندخواردنی سەرۆکی هەرێمدا باسی خەباتی یەکێتی نەکردووە.

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل