fbpx
Shadow Shadow

ئەیاد عەلاوی هۆشداری دەدات لە “بە سوریا بوونی” عێراق

14:27 چوار شه‌ممه‌ 15 كانونی دووه‌م 2020
article image

ناس کورد-

ئەیاد عەلاوی لە پەیامێکدا هۆشداری دەدات لە دووبارەبوونەوەى “سیناریۆی سوری لە عێراق” و دەڵێت، “بڕیاری دەرکردنی هێزە بیانییەکان لە دەسەڵاتی حکومەتی کاربەڕێکەردا نییە.”

.

ئەمڕۆ چوارشەممە، 15ی کانونی دووەمی 2020، ئەیاد عەلاوی، سەرۆکى هاوپەیمانی نیشتمانی عێراقی ڕایگەیاند، “پێویست بوو پەرلەمانی عێراق لێپرسینەوە لە حکومەت بکات و چاودێری بنەماکانی شەڕکردن و کاتی شەڕکردن و جۆری چەکی بەکارهاتوو بکات، حکومەتی عێراق بانگی هاوپەیمانی نێودەوڵەتی بە سەرۆکایەتى ئەمریکای کردووە بۆ هاوکاری لەدژی داعش، هەر ئەویش خاوەنی بڕیارە و هیچ کەسی تر ئەو مافەى نییە تاوەکو نەبێتە گۆڕەپانی شەڕی هێزە هەرێمی و نێودەوڵەتییەکان.”

.

ئەیاد عەلاوی سەرسوڕمانی خۆی ڕاگەیاندووە لە پشتگوێخستنی ئەو بابەتانە و دەڵێت، “ئەو فەرامۆشکردنە عێراقی کردووەتە دیلی بوونی هێزە نێودەوڵەتی و هەرێمییەکان”.

.

هەفتەى ڕابردوو ئەیاد عەلاوی دەستی لە ئەندامێتی پەرلەمانی عێراق کێشایەوە و ڕایگەیاند، “پەرلەمان چیتر توانای جێبەجێکردنی داواکارییەکانی خەڵکی نییە و ناتوانێت ئەرکی یاسادانان و چاودێری بگێڕێت.”

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل