fbpx
Shadow Shadow

ئەو وێنەیەى خانمى یەکەمى ئەمریکا کە زۆرترین قسەى لەسەر کرا

09:29 شه‌ممه‌ 27 نیسان 2019
article image

 

ناس کورد-

وێنەیەکى خانمى یەکەمى ئەمریکا بۆتە جێى باسوخواسى بەکارهێنەرانى تۆڕەکۆمەڵایەتییەکان و چەندین خوێندنەوەى کۆمیدى و سیاسی و تەنز ئامێزى بۆ کراوە.

.

بەبۆنەى ڕۆژى لە دایکبوونییەوە کۆشکى سپى لە تویتەر وێنەیەکى میلانیاى خانمى یەکەمى ئەمریکاى بڵاو کردۆتەوە کە لەسەر قەنەفەیەکى زەرد بە جلێکى سەوزەوە بەتەنیا دانیشتووە، لە کاتێکدا قەنەفەکە سێ کەسییە.

.

ئەو وێنەیە بووە جێى قسە لەسەر کردن و بەشێک لە بەکارهێنەرانى تۆڕە کۆمەڵایەتییەکان بە فۆتۆشۆپ لە تەنیشت خانمى یەکەمى ئەمریکاوە وێنەى پۆتن و چەندین کەسایەتى دیکەیان بۆ زیاد کردووە، سەیرترینیان وێنەیەکى ترەمپە بە قەمیسێکى سپییەوە پیتزا دەخوات.

.

چەندین کەسیش وێنەى خۆى لە تەنیشت میلانیا داناوە و نوسیویەتى لەگەڵ خانمى یەکەمى ئەمریکا.

.

خوێندنەوەى جیاجیا بۆ ئەو وێنەیە کراوە، هەندێک دەڵێن، میلانیا بەشێوەى ئاسایی و ڕاستى خۆى دەرکەوتووە، دوور لە ترەمپ کە بەردەوام تیشکى لەسەرە.

 

چەند کەسێکى تریش لە وەڵامى تویتەکەى کۆشکى سپیدا نوسیویانە کوا هاوسەر و منداڵەکانى؟

.

پەیوەندی و کردارە سەیرەکانى ترەمپ بەرامبەر میلانیاى هاوسەرى، بەردەوام جێى باسى میدیاکان و بەکارهێنەرانى تۆڕە کۆمەڵایەتییەکان بووە.

.

 

 

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل