Shadow Shadow

"ئەگەر پۆستی پارێزگاری کەرکوک وەرنرگرین هەڵوێستی دیکەمان دەبێت"

ئەندامێکی فراکسیۆنی یەکێتی: نێچیرڤان بارزانی کاندیدی ئێمەشە و دەنگی پێدەدەین

13:36 یه‌ك شه‌ممه‌ 26 ئایار 2019
article image

ناس کورد- شەهرام عەزیز

ئەندامێکی فراکسیۆنی یەکێتی لە پەرلەمانی کوردستان ڕایگەیاند، بەشداری دانیشتنەکەی رۆژی سێشەممە دەکەن ودەنگ بە نێچیرڤان بارزانی کاندیدی دەدەن و دەڵێت کاندیدی ئەوانیشە بۆ سەرۆکی هەرێم.

.

زیاد جەبار، ئەندامی فراکسیۆنی یەکێتی لەپەرلەمانی کوردستان بەناس کورد ڕاگەیاند: “لەگەڵ پارتی ڕێکەوتنێکی سیاسیان هەیە و بەهەموو شێوەیەک پێوەی پابەندن و نێچیرڤان بارزانی کاندیدی ئەوانیشە بۆ پۆستی سەرۆکی هەرێم و دەنگی پێدەدەن”.

.

سەبارەت بەوەی تا ئێستا کێشەی پۆستی پارێزگاری کەرکوک چارەسەرنەکراوە، پەرلەمانتارەکەی یەکێتی ئاماژەی بەوەکرد، بەپێی ڕێکەوتنەکەیان لەگەڵ پۆستی پارێزگاری کەرکوک پشکی یەکێتییە و وەک چۆن یەکێتی پابەندی ڕێکەوتنەکەیە، پێویستە پارتیش پابەندبێت.

.

جەختیشیکردەوە، ئەگەر پارتی پەشیمان ببێتەوە ئەوا هەڵوێستی دیکەیان دەبێت و سەرکردایەتی یەکێتی بەشێوەیەکی دیکە مامەڵە دەکات.

.

بەپێی ڕێکەوتنی یەکێتی و پارتی لەسەر پێکهێنانئ حکومەت و  پۆستی پارێزگاری کەرکوک، بە پشکی یەکێتی دانرا، بەڵام تا ئێستا هیچ هەنگاوێکی کرداری بۆ دانانی پارێزگارێکی کورد لە پشکی یەکێتی نەنراوە.

.

بڕیارە رۆژی سێشەممە 28ی ئایاری ٢٠١٨ پەرلەمانی کوردستان کۆبوونەوەیەک بۆ هەڵبژاردنی سەرۆکی هەرێم بەرێوەببات لەوبارەوە بانگهێشتنامەی ئاڕاستەی پەرلەمانتاران کردووە.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل