Shadow Shadow

"یەکێتی توانای ئۆپۆزسیۆنبوونی نیە"

 ئەندامێکی جڤاتی گشتی گۆڕان: بە پارتیمان وتووە دەبێت یەکێتی بەشداری حکومەت بێت

15:20 دوو شه‌ممه‌ 03 حوزه‌یران 2019
article image

ناس کورد- هەڤاڵ فەتاح

ئە ندامێکی چڤاتی گشتی بزووتنەوەی گۆڕان، بوونی یەکێتی لە کابینە نوێ حکومەتدا بە گرنگ دەزانێت، دەڵێت هیچ شێوەیەک نابنە پارسەنگی هێز بۆ هیچ لایەنێکی سیاسی.

.

کاروان هاشم، ئەندامی چڤاتی گشتی بزووتنەوەی گۆڕان بە ناس کوردی ڕاگەیاند لە دوای ڕاگەیاندنی ئەنجامەکانی هەڵبژاردنی 30ى ئەیلولی 2018و لە کاتی وتووێژەکاندا بە ڕاشکاوی بە پارتییان وتووە، دەبێت سەرجەم هێزە براوەکانی هەڵبژاردن لە کابینەی نوێ بەشدارییان  پێبکرێت بە تایبەتی یەکێتی.

.

کاروان هاشم، وتی: “بە هیچ شێوەیەک نابینە بەشێک لە کێشەکانی یەکێتی و پارتی، نامانەوێت گۆڕان بۆ یەکلا کردنەوەی ململانیەکان بە کاربهێنرێت، ئەم پەیامە بەڕوونی یەکێتی و پارتیمان لێ ئاگادارکردوەتەوە”.

.

ئەو بەرپرسەی گۆڕان باسی لەوەکرد “ئەوەی  ئێستا لە نێوان پارتی ویەکێتیدا دەگوزرێت کێشەی “شەخسە” کێ دەبێت بە  پارێزگاری کەرکوک،  نەک پەیوەندی هەبێت بە ڕەهەندە  نەتەوەییەکانەوە، ئەگەر کێشەکانی نێوان یەکێتی وپارتی  لەسەرگەندەڵی و چاکسازی بوایە ئەو لایەنگیری ئەو هێزەمان دەکرد کە دەیەوێت چاکسازی بکات”.

.

لە ئەگەری پەرەسەندی کێشەکەو درووستبونەوەی دوو ئیدارەیی  کاروان هاشم وتی: لە بنەڕەتدا ئەو کێشەیە زۆر بچوکە نابێتە هۆکاری لێکترازان و درووستبونی دووئیدارەیی.

.

سەبارەت بە هەڵویستی بزووتنەوەی گۆڕان لە ئەگەری بەشدارینەکردنی یەکێتی لە کابینەی نوێدا، ئەو ئەندامەی جڤاتی گشتی دەڵێت: زۆر ئاساییە یەکێتی ببێت بە ئۆپۆزسیون یاخود بەشداری دەسەڵات بکات،  بەڵام یەکێتی توانای ئۆپۆزسیۆنبوونی نییە بۆیە نابێتە ئۆپۆزسیون”.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل