Shadow Shadow

ناس کورد وردەکاریی دۆسییەکە ئاشکرا دەکات

ئەندامێکی ئەنجومەنی باڵای نەوەی نوێ بۆ ناس: بڕیاری دەستگیرکردنی شاسوار عەبدولواحید سیاسییە

12:34 یه‌ك شه‌ممه‌ 03 ئادار 2019
article image

 

 

 

ناس کورد-

 

ئەندامێكی ئەنجوومەنی باڵای جوڵانەوەی نەوەی نوێ ڕایدەگەیەنێت  فەرمانی دەستگیركردنی  سەرۆکی جوڵانەوەکە سیاسییە و “پەیوەندی بەو گۆڕانکارییە سیاسییانەوە هەیە کە لە هەرێمی کوردستان ڕوودەدات.”

سەر لەبەیانی ئەمڕۆ بە تۆمەتی  هێرشکردنە سەر فەرمانبەری دەوڵەت، فەرمانی دەستگیرکردن بۆ شاسوار عەبدولواحید سەرۆکی جوڵانەوەى نەوەی نوێ دەرچوو و ناوبراویش چووە بەردەم دادگا.

ئارام سەعید ئەندامی ئەنجومەنی باڵای نەوەی نوێ بە ناس کورد-ی ڕاگەیاند: “پرسی دەرکردنی فەرمانی دەستگیرکردن بۆ سەرۆکی جوڵانەوەی نەوەی نوێ سیاسییە.” هەروەها وتیشی: “ئەو پرسە لەلایەن هەندێک لایەنی سیاسییەوە دەوروژێندرێت.”

بەپێی زانیارییەکانی ناس کورد، ئەو دۆسییە پەیوەندی بەوەوە هەیە کاتێک لەساڵی 2017 شاسوار عەبدولواحید لە دەرەوەی وڵاتەوە گەڕایەوە کوردستان، لە کاتی گەیشتنەوەیدا بۆ شاری سلێمانی “پاڵی ناوە بە پۆلیسێکەوە” لەو کاتەشدا پەڕاوی یاسایی بۆ ئەو دۆسیەیە کراوەتەوە.

دوای دەرکردنی فەرمانی دەستگیرکردنەکەی، پێشنیوەڕۆی ئەمڕۆ شاسوار عەبدولواحید چووە دادگای سلێمانی و ڕایگەیاند، هیچ زانیارییەکی نییە لەبارەی ئەوەی سکاڵاکەی لەسەری تۆمارکراوە چییە و کێ تۆماریکردووە.

سەرۆکی جوڵانەوەی نەوەی نوێ ئاماژەی بۆ ئەوش کردووە کە پێی وانییە هیچ تاوانێکی ئەنجام دابێت.

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل