Shadow Shadow

"هەر ئەندامێکی ئەنجومەن ئامادە نەبێت بە نەهاتوو ئەژمار دەکرێت"

ئەنجومەنی پارێزگای کەرکوک ڕێوشوێن دەگرێتەبەر لە بارەی ئامادەنەبوونی بەشێکی ئەندامانی

15:05 پێنج شه‌ممه‌ 11 نیسان 2019
article image

 ناس كورد- هەڤاڵ فەتاح

ئەندامێكی ئەنجومەنی پارێزگای كەركوك ڕایگەیاند، لیژنەکانی ئەنجومەنی پارێزگاکە کاراکراونەتەوە، وتیشی، چیتر ئامادە نەبوونی ئەندامانی ئەنجومەنی پارێزگای کەرکوک بە “نەهاتن” دادەنرێت و ڕێکاری یاسایی هەیە.

ئازاد جەباری سەرۆكی لیژنەی ئەمنی لە ئەنجومەنی پارێزگای كەركوك تایبەت بە ناس كورد-ی رایگەیاند: “بە ئامادەبوونی 21 ئەندام لە كۆی 40 ئەندام، توانیمان دوێنی چوارشەممە كۆبوونەوەی ئەنجومەنی پارێزگای كەركوك گرێبدەین، بەو شێوەیەش كۆبوونەوەكە ڕێژەی یاسایی خۆی بەدەست هێنا”.

لەبارەی دەرئەنجامی کۆبوونەوەکە، ئەو ئەندامەی ئەنجومەنی پارێزگای کەرکوک وتی، بە دەنگی کۆی ئەندامانی ئامادەبووی ئەنجومەنەکە بڕیاردری کاراکردنەوەی لیژنەكان درا.

چەند لیژنەیەك سەرۆكەكانیان گۆردران بە هۆی ئامادەنەبوونی چەند ئەندامێكی پارتی لە لیستی بەرایەتی .

 

 “سەرۆکی لیژنەکان بەهۆی ئامادەنەبوونی ئەندامانی پارتییەوە گۆڕدران، بۆ لەمەودواش هەر ئەندامێک ئامادەی دانیشتنەکانی ئەنجومەنەکە نەبێت بە نەهاتن بۆی ئەژمار دەکرێت”، ئەو ئەندامەی ئەنجومەنی پاریزگای کەرکوک لە پشکی یەکێتی وای وت.

 

دانیشتنی دوێنێ چوارشەمەی ئەنجومەنی پارێزگای کەرکوک یەکەمین دانیشتنی ئەنجومەنەکە بوو لە پاش ڕوداوەکانی 16 ئۆكتۆبەرەوە.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل