fbpx
Shadow Shadow

ئەمڕۆ سێ کۆبونەوەی گرنگ دەربارەی رۆژئاوای کوردستان لەجیهان بەڕێوەدەچێت

10:53 چوار شه‌ممه‌ 16 تشرینی یه‌كه‌م 2019
article image

ناس کورد –

بۆ تاوتوێکردنى هێرشەکانی تورکیا بۆسەر ڕۆژئاوای کوردستان و ڕاگرتنى هێرشەکان، ئەمڕۆ سێ کۆبونەوەی گرنگ لەجیهان  بەڕێوەدەچت.

.

بڕیاره‌ ئه‌مڕۆ چوارشه‌ممه‌، 16ی تشرینی یەکەمی 2019،  دۆناڵد تره‌مپ، سه‌رۆکی ئه‌مریکا له‌گه‌ڵ ئه‌ندامانی لیژنه‌ی ئاسایشی نیشتمانی له‌کۆنگرێسی ئه‌مریکا کۆبێته‌وه‌، پرسی به‌رده‌وامی هێرشه‌کانی تورکیا و ئه‌گه‌ری سزادانی ئه‌و وڵاته‌ تاوتوێ بکات.

.

کۆبوونه‌وه‌که‌ی تره‌مپ له‌کاتێکدایه،‌ سبه‌ینێ پێنج شه‌ممه‌ کۆنگرێسی ئه‌مریکا له‌باره‌ی هێرشەکانى تورکیا له‌سوریا کۆده‌بێته‌وه‌ و چاوه‌ڕێی سه‌پاندنی زنجیره‌یەک‌ سزاى دیکە به‌سه‌ر تورکیا ده‌کرێت.

.

هاوکات هەر ئەمڕۆ چوارشەممە ، ئەنجومەنی ئاسایشی نێودەوڵەتی دەربارەی دۆخی باکور و ڕۆژهەڵاتی سوریا و هێرشەکانی سوپای تورکیا بۆسەر ئەو ناوچانە کۆدەبێتەوە.

.

ئەمە دووەمین کۆبوونەوەی ئەنجومەنی ئاسایشی نێودەوڵەتییە لەسەر هێرشەکانی تورکیا، کە لە کۆبوونەوەى پێشودا کۆدەنگییەک بۆ ئەو پرسە نەبوو.

.

هەر ئەمڕۆ، مایک پێنس، جێگری سەرۆکی ئەمریکا بە “سەردانێکی لەناکاو” دەگاتە تورکیا و له‌گه‌ڵ به‌رپرسانی ئه‌نقه‌ره‌ کۆده‌بێته‌وه‌ و سەرەکیترین پرسیش گفتوگۆکردن دەبێت لەسەر ڕاگەیاندنی ئاگربەست و وەستانی هێرشەکانی تورکیا بۆسەر ڕۆژئاوا.

.

ئەمەش لەکاتێکدایە کە ئەمڕۆ هەشت ڕۆژی تەواو تێپەڕ دەبێت بەسەر هێرشەکانى سوپای تورکیا و چەکدارە هاوپەیمانەکانی بۆ داگیرکردنی ڕۆژئاوای کوردستان.

.

بەپێی ئامارەکانى ڕوانگەى سورى، تا ئێستا بەهۆی هێرشەکانەوە زیاتر لە 70 هاوڵاتی مەدەنی شەهید بون و 300 هەزار هاوڵاتیش ئاوارە بوون.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل