fbpx
Shadow Shadow

ئەمریکا سزاى نوێ بەسەر ئێراندا دەسەپێنێت

19:18 هه‌ینی 10 كانونی دووه‌م 2020
article image

ناس کورد-

 

ئەمریکا بڕیاریدا سزاى نوێ بەسەر ئێراندا بسەپێنێت، لەبەرانبەر هێرشکردنە سەر ئەو هێزانەى هاوپەیمانى ئەمریکان.

.

ستیڤن منوچین وەزیرى گەنجینەى ئەمریکا لە کۆنگرەیەکى ڕۆژنامەوانى هاوبەشدا لەگەڵ مایک پۆمپیۆ وەزیرى دەرەوەى ئەمریکا ڕایگەیاند “سزاى نوێ بەسەر ئێراندا دەسەپێنین، بەهۆى هێرشکردنە سەر ئەو هێزانەى هاوپەیمانى ئەمریکان”.

.

وتیشى “سزاکان کەرتى پیشەسازیی و بەرهەمى دەستى و چەند کەرتێکى دیکە دەگرێتەوە”.

.

لاى خۆیەوە، مایک پۆمپیۆ وەزیرى دەرەوەى ئەمریکا ڕایگەیاند، هەشت فەرماندە و کەسایەتى ئێران سزایان بەسەردا دەسەپێنرێت، لەبەرانبەر کوشتنى خۆپیشاندەرانى ئێران و هەوڵى ئەو وڵاتە بۆ ناسەقامگیریی ناوچەکە.

.

وتیشى “ئەرکى ئێمە بۆ ڕوبەڕووبونەوەى تیرۆر لەعێراق بەردەوام دەبێت، قاسم سولەیمانى پلانى بۆ هێرشێکى گەورەى بۆ سەر باڵیۆزخانەى ئەمریکا داڕشتبوو”.

.

پۆمپیۆ جەختیکردەوە سزاکانیان لەسەر ئێران بەردەوام دەبێت، تا ئەو وڵاتە مامەڵەى خۆى دەگۆڕێت، سزاکانیشیان بووەتە هۆى ئەوەى ئابورى ئێران زۆر خراپ بێت.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل