Shadow Shadow

ئیندۆنێزیا.. بوومه‌له‌رزه‌یه‌ك به‌گوڕی 7.3 پلە روویدا

14:27 یه‌ك شه‌ممه‌ 14 ته‌موز 2019
article image

ناس کورد

بوومه‌له‌رزه‌یه‌ك به‌گوڕی 7.3 پله بە پێوەری رێختەر‌، باشووری ویلایه‌تی مالوكوی باكووری ئیندۆنێزیای هه‌ژاند.

.

لەوبارەوە ناوەندی رووپێویی جیۆلۆجی ئەمریکا USGS رایگه‌یاندووە چه‌قی بوومه‌له‌رزه‌كه‌ به‌دووری 102 كیلۆمه‌تر له‌ شاری لاویه‌وه‌ بووه‌ و له‌ قووڵایی 10 كیلۆمه‌تردا روویداوه‌.

.

هاوکات دامه‌زراوه‌ی كه‌شناسیی ئیندۆنێزیا ڕایگەیاندووە بوومەلەرزەکە کاتژمێر 12:10 خولەکی ئەمڕۆ یەکشەممە 14ی تەمموزی 2019، ڕویداوە و  گوڕی بوومه‌له‌رزه‌كه‌شی بە 7.2 پله‌ بەپێوەری رێختەر دیارییکردووە.

.

لەگەڵ ئەوەی بومەلەرزەکە گوڕەکەی بەهێزبووە، بەڵام دەزگا پەیوەندیدارەکانی ئیندۆنیزیا تا ئێستا هۆشدارییان له‌باره‌ی ئه‌گه‌ری روودانی شەپۆڵەکانی تسونامی نه‌داوە‌.

.

28ی ئه‌یلوولی 2018، بوومه‌له‌رزه‌یه‌ك به‌گوڕی 7.5 دوورگه‌ی سولاوێسی و كه‌نداوی پالو لە ئیندۆنێزیا هه‌ژاند و ژماره‌یه‌ك شەپۆڵی تسونامی به‌دوای خۆیدا دروستکرد بەهۆیەوە چوار هەزار 300 کەس گیانیان لەدەستدا.

.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل