fbpx
Shadow Shadow

"بەڕێوەبردنى ناوچەکان و گۆڕانکاریی لە سوپادا"

ئیلهام ئەحمەد مەرجى هەسەدە بۆ چونە ناو سوپاى سوریا ئاشکرادەکات

18:44 هه‌ینی 01 تشرینی دووه‌م 2019
article image

ناس کورد-

 

ئیلهام ئەحمەد رایگه‌یاند، ئەگەر لەگەڵ حکومەتی سوریا ڕێکبکەون لەسەر بەڕێوەبردنی ناوچەکان، هێزەکانى هەسەدە ئامادەن بچنە ناو سوپای سوریا، بەڵام دەبێت گۆڕانکاری لە هەیکەلی سوپادا بکرێت.

.

ئیلهام ئەحمەد سه‌رۆكی لیژنه‌ی جێبه‌كاری ئه‌نجومه‌نی سوریای دیموكرات، ئەمڕۆ هەینی، یەکى تشرینی دووەمی 2019، بە ئاژانسی سپۆتنیکی ڕوسی ڕاگەیاندووە “ئەگەر لەگەڵ حکومەتی سوریا لەسەر بەڕێوەبردنی ناوچەکە ڕێکبکەوین، ئامادەین هێزەکانمان پەیوەندی بە سوپای سوریاوە بکەن”.

.

ئەوەشی خستەڕوو، تائێستا لەگەڵ حکومەتی سوریا لەسەر ئەو پرسە گفتوگۆیان نەکردووە، بەڵام ئامادەن دانوستان بکەن، مەرجیشیان ئەوەیە کە پێویستە گۆڕانکاری لە هەیکەلی سوپای سوریادا بکرێت.

.

ئیلهام ئەحمەد جەختیشیکردووەتەوە، هەرچەندە سوپای سوریا و هەسەدە پێکەوە شەڕیان نەکردووە، بەڵام هاوکۆکن.

.

دوێنێ پێنجشەممە به‌شار ئه‌سه‌د، سه‌رۆكی سووریا رایگه‌یاندبوو، ئامانجى کۆتاییان گەڕاندنەوەى دەسەڵاتى دەوڵەتە بۆ ئەو ناوچانەى کە بەدەست کوردەکانەوەیە لەباکورى ڕۆژهەڵاتى سوریا، ڕێککەوتنى نێوان ئەنقەرە و مۆسکۆ بۆ کشانەوەى یەپەگە بەقوڵایی 30 کیلۆمەتر هەنگاوێکە کە یارمەتیان دەدات بۆ بەدیهێنانى ئامانجەکەیان.

 

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل