fbpx
Shadow Shadow

ئیدارەى گەرمیان: خوێندنگەیەک دەکەین بەناوى “بڕیارى شەهید ئاسۆ”وە

23:00 یه‌ك شه‌ممه‌ 25 ئاب 2019
article image

ناس کورد-

پاش ئەوەى بڕیارى شەهید ئاسۆ لەپاش شەهیدبوونى باوکى بەهۆى خەفەتى لەدەستدانى باوکییەوە جەڵتەى دڵ لێیدا و کۆچى دوایی کرد، ئیدارەى گەرمیان ڕایگەیاند، لە سنورى گەرمیان خوێندنگەیەک دەکەین بەناوى “بڕیارى شەهید ئاسۆ”وە.

,

لە ڕاگەیەندراوێکدا ئیدارەى گەرمیان ئاماژەى بەوەکردووە: “وەک وەفایەک بۆ خوێنی شەھیدان و گەورەیی ئەو کارەساتە و بەزیندوو ھێشتنەوەی وشە و ناوی ‘بڕیاڕ’ لەسەر پێشنیاری قائیمقامیەتی قەزای کفری و بەڕێوەبەرایەتی پەروەردەی قەزاکە بڕیارمانداوە، خوێندنگایەک لەسنوری قەزای کفری بەناوی بڕیاری شەھید ئاسۆ-وە ناوبندرێت”.

,

لە ڕاگەیەندراوەکەدا ئاماژە بەوەشکراوە: “بەنسبەت میللەتی کوردەوە بەتایبەت لای گەرمیانییەکان چیرۆک و ماجەرای خەم و تاسەی دوری ئازیزان وشەگەلێکی نامۆ نین، خەمی شەھیدبوونی ڕۆڵەکانی کورد و کارەساتی گەورەی ئەنفال لەھەرەدیارترین کارەساتەکانی مێژووی ئەم نیشتیمانەن”.

,

لە کۆتایی ڕاگەیەندراوەکەدا ئیدارەی گەرمیان پرسەو سەرەخۆشی ئاڕاستەی خانەوادە و خێزانی شەھید ئاسۆی جەلال مەسۆیی کردووە و داواکارە شەھید ئاسۆ و کاکە بڕیاری جوانەمەرگ بەبەھەشتی بەرین شادبکات.

,

ئەمە لە کاتێکدایە، پاش کۆچی دوایی بڕیار، ئیبراهیم زەریف، چالاکوانی دیاری سنوری ئیدارەی گەرمیان بە ناس کوردی ڕاگەیاند: “سبەینێ بەشێوەیەکی فەرمی، نوسراوێک دەدەمە ئیدارەی گەرمیان بۆ ئەوەی بەرواری 25ی ئابی هەموو ساڵێک لە سنوری ئیدارەی گەرمیان، بکرێتە رۆژی ماته‌مینی گه‌رمیانییه‌كان و یاده‌وه‌ری دڵسۆزی بۆ باوك”.

,

,

 

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل