ئه‌میرێكى داعش كه‌ سێ گه‌نجى كوردى له‌ حه‌وێجه‌ سه‌ربڕیووه‌ ده‌ستگیرا

ناس کورد

وه‌زاره‌تى به‌رگرى عێراق، گروپێكى چەکدارانی داعشى ده‌ستگیركرد كه‌ ئه‌میرێك لە نێوانیاندایە و‌ سێ گه‌نجى كوردى له‌حه‌وێجه‌ سه‌ربڕیوه‌.

.

وه‌زاره‌تى به‌رگرى عێراق، له‌ڕاگه‌یه‌ندراوێكدا ئاشكرای كردووه‌، هێزه‌كانیان له‌شارى كه‌ركوك گروپێكى “تیرۆریستی” سه‌ر به‌چه‌كدارانى داعشیان ده‌ستگیركردووه‌.

.

له‌گرته‌یه‌كى ڤیدیۆییدا كه‌ وه‌زاره‌تى بەگری بڵاویکردووەتەوە، گروپەکە دان به‌تاوانه‌كانیاندا ده‌نێن كه‌ چه‌ندین کردەوەی توندوتیژییان ئەنجامداوە.

.

یەکێک لە چەکدارە دەستگیرکراوەکان، ئەمیری داعش بووە، دان بەوەدا دەنێت کە سێ کوردی شاری کەرکووکیان دەستگیر کردووە و لە قەزای حەویجە سەری بڕیون.

.

ئەمیرەکەی داعش دەڵێت: “ئەمیر فەرمانی پێکردم سەریان ببڕم و، من و دوو کەسی تر لە گرووپەکەمان کە خەڵکی دیالە بوون، فەرمانەکەمان جێبەجێ کرد و ئه‌و سێ كورده‌مان سه‌ربڕى”

.

وه‌زاره‌تى به‌رگرى عێراق ئه‌وه‌شى ڕوونكردووه‌ته‌وه‌، ده‌ستگیركردنى ئه‌و گروپه‌ى داعش به‌هاوكارى هێزه‌كانى ئاسایش و هه‌واڵگرى شاره‌كه‌ ئەنجامدراوە.

.

گروپەکە پێش دەستگیرکردنیان پاره‌ و خۆراكیان بۆ خێزانى كوژراوه‌كانى داعش له‌ناو شارى كه‌ركوك بردووه‌ و به‌نیازبوون چه‌ند كرده‌وه‌یه‌كى توندوتیژی  له‌و شاره‌دا ئه‌نجامبده‌ن.

.