Shadow Shadow

ئه‌مریكا كه‌شتییه‌ نه‌وتهه‌ڵگره‌كه‌ی ئێرانی خسته‌ لیستی سزاكانییه‌وه‌

10:53 شه‌ممه‌ 31 ئاب 2019
article image

ناس کورد

ئەمریکا به‌ تۆمه‌تی پێشێلكردنی سزاكانی سه‌ر سوپای پاسداران کەشتیی ئادریان دەریای خستە لیستی سزاکانیەوە.

.

له‌ راگه‌یه‌نراوێكدا وەزارەتی خەزێنەی ئەمریکا ڕایگەیاندووە، ئه‌و كه‌شتییه‌ له‌ به‌رژه‌وه‌ندیی فه‌یله‌قی قودسی سه‌ر به‌ سوپای پاسداران، نه‌وتی گواستووه‌ته‌وه بۆیە خراوەتە لیستی سزاکانەوە.

.

به‌پێی راگه‌یه‌نراوه‌كه‌ كه‌شتیی “ئادریان ده‌ریا” دوو ملیۆن و 100 هه‌زار به‌رمیل نه‌وتی خاوی بۆ پشتیوانی سوپای پاسداران گواستووه‌ته‌وه‌ كه‌ له‌ لیستی سزاكانی ئه‌مریكادایه.

.

هاوكات مایك پۆمپیۆ وه‌زیری ده‌ره‌وه‌ی ئه‌مریكا، له‌ هه‌ژماری خۆی له‌ تۆڕی كۆمه‌ڵایه‌تی تویته‌ر بڵاویكردووه‌ته‌وه‌ “وه‌زیری ده‌ره‌وه‌ی ئێران، زه‌ریف، گرنتی دایه‌ به‌ریتانیا كه‌ ئادریان ده‌ریا-1 نه‌چووه‌ته‌ سووریا، به‌ڵام ئێمه‌ خاوه‌نی زانیاریی متمانه‌پێكراوین كه‌ كه‌شتییه‌كه‌ چووه‌ته‌ به‌نده‌ری ته‌رتوس له‌ سووریا”.

.

قەیرانی کەشتییە ئێرانیەکە

هه‌رێمی جه‌به‌لتارقی سه‌ر به‌ به‌ریتانیا، رۆژی 4ی ته‌مووز، به‌ تۆمه‌تی پێشێلكردنی سزاكانی سه‌ر سووریا، كه‌شتیی نه‌وتهه‌ڵگری ئێرانی “گره‌یس 1” كه‌ ئاڵای په‌نه‌مای هه‌ڵكردبوو، ده‌ستبه‌سه‌ركرد.

.

هاوکات لە بەرانبەردا، سوپای پاسدارانی ئێران رۆژی 19ی ته‌مووز كه‌شتیی نه‌وتهه‌ڵگری به‌ریتانیی “ستێنۆ ئێمپێرۆ”ی له‌ كاتی تێپه‌ڕین به‌ گه‌رووی هورمزدا، به‌ تۆمه‌تی پابه‌ند نه‌بوون به‌ یاساكانی ده‌ریاوانی، ده‌ستبه‌سه‌ركرد.

.

دادگای باڵای جه‌به‌لتارق رۆژی 15ی ئاب بڕیاریدابوو كه‌شتییه‌ نه‌وتهه‌ڵگره‌ ئێرانییه‌كه‌ ئازادبكات به‌ڵام دادگای ناوچه‌ی كۆڵۆمبیای ئه‌مریكا، بڕیاریدا ده‌ست به‌سه‌ر كه‌شتییه‌كه‌دا بگیرێت.

.

ئێران له‌دوای ئازادكردنی کەشتی “گره‌یس 1” ئاڵای خۆی له‌سه‌ر هه‌ڵكرد و ناوه‌كه‌شی بۆ “ئادریان ده‌ریا-1” گۆڕی

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل