fbpx
Shadow Shadow

ئایا کۆمەڵی ئیسلامی لەگەڵ دەرکردنی هێزەکانی ئەمریکایە لە عێراق؟

22:00 سێ شه‌ممه‌ 28 كانونی دووه‌م 2020
article image

ناس کورد-

كارگێڕی ئه‌نجومه‌نی سیاسیی كۆمه‌ڵی ئیسلامی ڕایگەیاند، بڕیاری پەرلەمانی عێراق بۆ دەرکردنی هێزەکانی ئەمریکا پەلە بووە و لەسەر بنەمای خوێندنەوەیەکی باش بڕیار نەدراوە.

.

محەمەد حەکیم، کارگێڕی ئەنجومەنی سیاسیی کۆمەڵی ئیسلامی بە ناس کورد ڕایگەیاند، بڕیارەکەى پەرلەمانی عێراق پەلەى پێوە دیار بوو، “هەر بڕیارێکیش ناوچەکە ناسەقامگیر بکات ئێمە لەگەلی نین.”

.

محەمەد حەکیم وتیشی، “پێویست بوو پەرلەمانی عێراق خوێندنەوەى بۆ لایەنی ئابوری و ئەمنی و سیاسییەکان بکردایە، بڕیارەکەش لەبەرئەوەى تەنها لایەنی شیعەی تێدا بووە و کورد و سونەى لەگەڵ نەبووە، بڕیارێکی لاوازە.”

.

وتیشی، “ئێمە وەکو کۆمەڵی ئیسلامی لەگەڵ سەقامگیری عێراقداین، ئێمە بڕیارەکەى پەرلەمان بە مانۆڕێکی سیاسی و موزایەدە دەزانین ئەگەرنا بۆچی حکومەت ئێستا ئەو کارە ناکات.”

.

ڕۆژی 5ی کانونی دووەمی 2020، لە دانیشتنێکی پەرلەمانی عێراقدا بە ئامادەیی فراکسیۆنە شیعەکان بڕیاردرا بە پابەندکردنی حکومەتى عێراق بۆ دەرکردنی هێزە بیانییەکان.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل