fbpx
Shadow Shadow

ئاڵدار خەلیل: چارەسەر کشانەوەى تورکیا و بڵاوەپێکردنى هێزى ئاشتى پارێزە

14:02 یه‌ك شه‌ممه‌ 20 تشرینی یه‌كه‌م 2019
article image

ناس کورد-

 

ئاڵدار خەلیل ڕایگەیاند، چارەسەرى گونجاو بۆ دۆخى ئێستا، کشانەوەى سوپاى تورکیا و گروپە چەکدارە هاوپەیمانەکانى و بڵاوەپێکردنى هێزى ئاشتى پارێزى سەر بە نەتەوەیەکگرتووەکانە.

.

ئاڵدار خەلیل ئەندامى دەستەى جێبەجێکارى تەڤدەم لە هەژمارى خۆى لە فەیسبوک ئاماژەى بەوەکردووە “هێزەکانى سوریاى و دیموکرات هاوشان لەگەڵ گەل بەرگرییەکى ئازایانەیانکرد دژى تورکیا و گروپە هاوپەیمانەکانى، دواتریش ئاگربەستیان قبوڵکردووە و سورن لەسەر ئەوەى کە شەڕ چارەسەر نییە”.

.

جەختیشیکردوەتەوە، چارەسەرى دۆخى ئێستا ئەوەیە سوپاى تورکیا و سەرجەم گروپە چەکدارە هاوپەیمانەکانى بکشێنەوە و هێزى ئاشتى پارێزى سەر بە نەتەوەیەکگرتووەکان شوێنیان بگرنەوە.

.

بەوتەى ئاڵدار خەلیل، ئەوە باشترین هەنگاوە بۆ سەرکەوتنى بیرۆکەى دروستکردنى ناوچەى ئارام، بەپێچەوانەوە هەنگاوى دیکە واتە دەستواڵاکردنى تورکیا بۆ هێرشکردنە سەر سەقامگیریی و شەرعیتەدان بە “داگیرکارییەکەى”.

.

وتەکانى ئاڵدار خەلیل لەکاتێکدایە، تورکیا بەردەوامە لە بۆردومانکردنى ناوچەکانى رۆژئاواى کوردستان، لەکاتێکدا بەپێی ڕێککەوتنى ئەمریکا و تورکیا ئاگربەست ڕاگەیەنراوە.

 

 

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل