Shadow Shadow

ئاسایش چوار کەسى بە تۆمەتی بازرگانیکردن بە ماددەی هۆشبەر دەستگیرکرد

19:05 پێنج شه‌ممه‌ 05 ئه‌یلول 2019
article image

ناس کورد-

 

ئاسایشی سلێمانی چوار کەسى بەتۆمەتی بەکارهێنان و بازرگانیکردن بە ماددەی هۆشبەر دەستگیرکرد و سەرجەمیان لەلایەن دادوەرەوە، سزادران.

.

ئەمڕۆ ( پێنجشەممە، 9ی ئەیلولی 2019) لە ڕاگەیەندراوێكدا ئاسایشى سلێمانى ئاماژەى بەوە کرد “توانیویانە لە سێ مانگی ڕابردوودا، لە پارێزگای سلێمانی چوار كەس بە تۆمەتی بەکارهێنان و بازرگانیکردن بە ماددەی هۆشبەر دەستگیر بكەن کە سەرجەمیان لە ڕەگەزی نێرن و لە ڕۆژی 1ی ئەیلولدا لەلایەن دادگای تاوانەكانی سلێمانی/2 دادگایی کران”.

.

بەگوێرەی ڕاگەیەندراوەکەی ئاسایش، تۆمەتبارێکیان سزادراوە بە ماوەی پێنج ساڵ و یەک مانگ زیندانی و بڕی چوارسەد و 50 هەزار غەرامەش.

.

هاوکات سێ تۆمەتبارەکەی دیکە هەریەکەیان بە شەش مانگ زیندانی و غەرامەی چوارسەد و 50 هەزار دینار سزا دراوون.

.

لە ڕاگەیەندراوەکەدا ئاماژە بەوەشکراوە، هەوڵەکانیان بەردەوام دەبێت بە مەبەستی نەهێشتن و بنبڕكردن و بازرگانی پێكردنی هەموو جۆرە مادەیەكی هۆشبەر.

.

راگەیەندراوەکە لە کاتێکدایە دوێنێ (چوارشەممە) ئاسایشی ڕۆژئاوای سلێمانی ڕایگەیاند، لە ماوەی 10 ڕۆژی ڕابردوودا لە سنوری قەزای چەمچەماڵ چوار کەسیان بە تۆمەتی بەکارهێنان و بازرگانیکردن بە ماددە هۆشبەرەکانەوە دەستگیرکردووە.

.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل