fbpx
Shadow Shadow

قال إنه لا يستبعد الالتحاق بأخيه

محمد الدهامات ينعى شقيقه: القتلة تجار خدعونا بفصائل المقاومة.. ستسقط عروشهم

16:08 السبت 09 نوفمبر 2019
article image

بغداد – ناس

وجه محمد الدهامات شقيق الناشط المدني الذي قتل في ميسان أمجد الدهامات رسالة اتهم فيها مَن وصفهم “بالميليشيات الوقحة” باغتيال شقيقه، محملاً مسؤولية ذلك إلى قيادة الشرطة في المحافظة، والتي قال إن شقيقه أمجد قُتِل على بعد أمتار من مبناها.

وقال الدهامات في رسالة نشرها باللهجة العامية على صفحته تابعها “ناس” (9 تشرين الثاني 2019) إن قيادة شرطة المحافظة تضم 30 الف عنصر، لكنها عجزت عن حماية شقيقه، “لأنه قائدها دمج”.

وأضاف أنه “لا يستبعد أن يلتحق بشقيقه”.

وجاء في نص الرسالة:

“كتلو اخوي امجد

كتلوه ويتمو اطفاله الأربعة

كتلوه وكسروا ظهر أمه وابوه الي اعمارهم تخطت  ٨٠ سنة، ونص أمراض الدنيا بيهم

كتلوه وحرموني اني واخوانه واصدقائه والعمارة كلها منه

كتلوه على مسافه ٥٠٠ متر من قيادة شرطة ميسان

الي بيها اكثر من ٣٠ الف شرطي بس اكيد هذا العدد مو فعّال لان ببساطة قائدهم دمج

كتلوه لسبب واحد وبس ..لانه يخالفهم بالرأي من خلال حظوره بكل التظاهرات الي تطالب بحقوق الناس

كتلوه المخانيث اصحاب الكواتم وخفافيش الليل

كتلوه المليشيات القذرة الي كل العراقيين يعرفونهم بس محد يجرأ ويذكرهم بالاسم والناس حقها لان تخاف على حياتها منهم.. انا اليوم راح اذكرهم بالاسم واعرف هاي رصاصة الرحمة على حياتي

كل المليشيات المسلحة بالعراق قذره ولا استثني منها احد سائرون وبدر والعصائب والاوفياء ووو

وكل الاحزاب الي تحكم العراق عدها كواتم لتصفية الي يخالفهم بالرأي او يزاحمهم على عقد او مناقصة

ضحكو علينا وگالو جبنالكم الديمقراطية

وهمه دكتاتوريتهم اسوأ بالف مرة من صدام

ضحكو علينا من يگولون احنا فصائل مقاومة وهم عبارة عن شركات تجارية همها الربح وبس

ويشبعون ضحك كل ما يسقط شهيد من عدنا او جريح

بس صدگوني هاي الدماء الها حوبه

وراح يجي اليوم الي ينتصر بيه الحق

واذا تتصورن انكم بقتله راح تسكتون صوته فهذا غباء راح يضيف لغبائكم .. وراح يبقى مثل ما بالصوره يأشر عليكم بأصبعه وعلى وجهه نفس الابتسامه المعهوده ولسان حاله يگول اني الي فزت وانتو الي خسرتوا

لان امجد فكرة ومبادئ والافكار والمبادئ ما تموت

امجد بذرة وطاحت بأرض خصبة وانبتت مئات او آلاف مثله واحسن منه وهم ذوله الي راح يهددون عروشكم ويسقطوها

شراح تگولون لله بيوم القيامة يامن تدعون انكم احزاب اسلامية وتدعوّن التدّين

راح يكون خصيمكم امجد واخوانه الشهداء والجرحى يوم القيامة

وراح يواجهكم امجد بقميصه الابيض الي لطختوه بالدم وسويتوه احمر

اخوي الي اخر مرة شفته بوجهه الي يضحك كالعادة ووراهم بساعات غسلته ودفتنه بأيدي

ما اگول غير الف رحمة على روحك وانتظرني اني جاي وراك”.

 

 

 

 

واغتال مسلحون مجهولون، الناشط امجد الدهامات خلال عودته من التظاهرات في مدينة العمارة مركز محافظة ميسان، جنوبي البلاد.

 

وقال مصدر أمني في حديث لـ “ناس”، إن “مسلحين مجهولين يستقلون سيارة، رشقوا الناشط أمجد الدهامات بالرصاص، خلال عودته من ساحة التظاهرات إلى منزله في مدينة العمارة”.

 

وأضاف، أن “ناشطا آخر يدعى بسام مهدي كان يرافق الدهامات لحظة اغتياله، أصيب إصابة بالغة”.

وتداول زملاء الدهامات منشورات سابقة له وهو يحث الشبان على التظاهر، ويعلن مواقف واضحة ضد العنف او تعطيل المؤسسات الصحية وغيرها. فيما لم يصدر تعليق رسمي أو من القيادات الأمنية عن مقتل الدهامات.

ووثقت مفوضية حقوق الإنسان في تقريرها الاخير الصادر في (8 تشرين الثاني 2019) مقتل الدهامات.

كلمات المفتاح:

ما هو نوع موادك المفضلة

جاري التحميل ... جاري التحميل ...
close

ما هو نوع موادك المفضلة

جاري التحميل ... جاري التحميل ...
Do NOT follow this link or you will be banned from the site!
عاجل عاجل